ՏՎՅԱԼՆԵՐԻ ՊԱՇՏՊԱՆՈՒԹՅԱՆ ՔԱՂԱՔԱԿԱՆՈՒԹՅՈՒՆ

ՆՊԱՏԱԿԸ

«ԻՆՏԵԳՐԱԼ ԼԱԲՍ» ՍՊԸ-ում (այսուհետ՝ «մենք», «մեզ», «մեր») մենք նպատակաուղղված ենք պաշտպանել անձնական տվյալների գաղտնիությունը և ապահովությունը՝ ՀՀ անձնական տվյալների պաշտպանության ոլորտի օրենսդրության և ԵՄ Տվյալների պաշտպանության ընդհանուր կանոնակարգի (GDPR) դրույթներին համապատասխան։ Մենք հարգում ենք անհատների գաղտնիությունը և նպատակաուղղված ենք անձնական տվյալներին վերաբերվել պատասխանատվությամբ և կիրառելի օրենսդրությանը համապատասխան։ Սույն տվյալների պաշտպանության քաղաքականությունը սահմանում է ծրագրային ապահովման մշակման ծառայություններ մատուցելիս մեր կողմից անձնական տվյալների հավաքման, օգտագործման, պահպանման և պաշտպանության կարգը։

Որպես միջազգային թվային աշխարհում գործող ընկերություն՝ մենք գիտակցում ենք տվյալների գաղտնիության, ապահովության և թափանցիկության կարևորությունը։ Անկախ նրանից՝ մենք գործում ենք որպես Տվյալները կառավարող՝ GDPR-ի իմաստով և Տվյալներ մշակող՝ ՀՀ օրենսդրության իմաստով (տվյալների մշակման նպատակների ուրվագծման շրջանակներում), թե որպես Տվյալներ մշակող՝ GDPR-ի իմաստով և Լիազորված անձ՝ ՀՀ օրենսդրության իմաստով (հաճախորդների անունից իրականացվող՝ տվյալների հետ գործառնությունների շրջանակներում), մենք ապահովում ենք տվյալների օրինական, արդար և ապահով մշակումը։

Սույն քաղաքականությունը տարածվում է մեր, մեր աշխատակիցների, պայմանագրային գործընկերների և երրորդ անձանց վրա, որոնք որևէ ձևով անձնական տվյալներ են մշակում մեր անունից։

Սույն Ծանուցագրի նպատակը մեր կողմից անհատների, այդ թվում՝ մեր հաճախորդների, գործընկերների, աշխատակիցների և վեբ կայքի օգտագործողների (այսուհետ՝ «Դուք», «Ձեր») տվյալների ձեռքբերման, մշակման, փոխանցման և/կամ պահպանման շրջանակներում կիրառելի օրենսդրական պահանջների, գործընթացների և իրավունքների թվարկումն ու վերհանումն է։

Սույն Ծանուցագիրը Ձեզ կօգնի հասկանալ Տվյալների պաշտպանության ոլորտային օրենսդրությունից բխող պարտականությունները, պարտավորությունները և իրավունքները։

ԾԱՆՈՒՑԱԳՐՈՒՄ ՕԳՏԱԳՈՐԾՎՈՂ ՀԱՍԿԱՑՈՒԹՅՈՒՆՆԵՐԸ

Տվյալ(ներ)՝ էլեկտրոնային, համակարգչային, սերվերային կարգով կամ որոշակի թղթային կրիչների վրա պահպանվող տեղեկատվություն։

Տվյալները կառավարող՝ GDPR-ի իմաստով կամ Տվյալներ մշակող՝ ՀՀ օրենսդրության իմաստով՝ Տվյալներ կառավարողը/Տվյալներ մշակողը ընդհանուր պատասխանատվություն է կրում տվյալների պաշտպանության ոլորտային օրենսդրությանը համապատասխան, սահմանում է անձնական տվյալների մշակման նպատակներն ու ծավալը և ապահովում է սահմանված նպատակներին համապատասխան օգտագործումը։ Մենք սահմանել ենք այն նպատակները, որոնց համար մշակվում են Ձեր անձնական Տվյալները։

Տվյալներ մշակող՝ GDPR-ի իմաստով և Լիազորված անձ՝ ՀՀ օրենսդրության իմաստով՝ ցանկացած անձ կամ կազմակերպություն, որը չի հանդիսանում Տվյալներ օգտագործող և որը մշակում է անձնական տվյալները մեր անունից և համաձայն մեր հատուկ հրահանգների։ Մեր աշխատակիցները դուրս կմնան այս սահմանումից, սակայն այս սահմանման մեջ կարող են ներառվել այն մատակարարները, որոնք մեր անունից մշակում են անձնական տվյալները։ Մենք ինքներս կգործենք որպես Տվյալներ մշակող՝ ըստ GDPR-ի, երբ պայմանագրային հարաբերությունների շրջանակում Տվյալներ կառավարողի Տվյալներ մշակողն ենք, և Անձնական տվյալները ստանում ենք Տվյալներ կառավարողից՝ նրա սահմանած պայմաններով։

Տվյալների սուբյեկտներ՝ բոլոր անհատները, որոնց վերաբերյալ մենք պահում ենք անձնական տվյալներ։ Բոլոր տվյալների սուբյեկտներն ունեն իրենց անձնական տեղեկատվության մշակման և պահպանման հետ կապված իրավունքներ։

Տվյալներ օգտագործողներ՝ մեր աշխատակիցները, որոնց աշխատանքը ներառում է Ձեր Անձնական Տվյալների մշակումը։ Տվյալներ օգտագործողները պատասխանատու են իրենց մշակած տվյալների պատշաճ օգտագործման համար և պարտավոր են պաշտպանել իրենց կողմից մշակվող տվյալները՝ համաձայն սույն քաղաքականության։

Կիրառելի օրենսդրություն՝ Հայաստանի Հանրապետության «Անձնական տվյալների պաշտպանության մասին» օրենքը և ԵՄ 2016 թվականի Տվյալների պաշտպանության ընդհանուր կանոնակարգը (GDPR)։

Անձնական տվյալ(ներ)՝ ցանկացած տեղեկատվություն, որը վերաբերում է ֆիզիկական անձին և որը ուղղակիորեն կամ անուղղակիորեն հանգեցնում է կամ կարող է հանգեցնել անձի ինքնության նույնականացմանը։

Մշակում՝ ցանկացած գործողություն, որի ընթացքում տվյալները օգտագործվում են, ներառյալ (բայց չսահմանափակվելով) տվյալների ստացումը, գրանցումը, կազմակերպումը, փոփոխումը, հետբերումը, օգտագործումը, հրապարակումը, ջնջումը, ոչնչացումը և/կամ պահպանումը։ «Մշակում» տերմինը ներառում է նաև անձնական տվյալների փոխանցումը երրորդ անձանց։

Հատուկ կատեգորիայի անձնական տվյալներ՝ սրանք ներառում են տեղեկատվություն անձի ռասայի, էթնիկ պատկանելության, քաղաքական հայացքների, դատվածությունների, կրոնի, արհմիության անդամակցության, ֆիզիկական և/կամ հոգեկան առողջության և սեռական կողմնորոշման վերաբերյալ։ Հատուկ կատեգորիայի անձնական տվյալները կարող են մշակվել միայն տվյալ անձի հստակ գրավոր համաձայնությամբ։

ՀԱՎԱՔՎՈՂ ՏՎՅԱԼՆԵՐԻ ՏԵՍԱԿՆԵՐԸ

Հավաքվող անձնական տվյալները ներառում են, սակայն չեն սահմանափակվում հետևյալով՝

1. Հիմնական նույնացուցիչներ և կոնտակտային տեղեկատվությունը, այդ թվում՝ անունը, ազգանունը, նախընտրելի անունը, պաշտոնը, գործատուն, կոնտակտային տվյալները (ներառյալ աշխատանքային էլ․ փոստի հասցեն, աշխատանքային հասցեն և հեռախոսահամարը), նախընտրելի լեզուն և նախասիրությունները, ինչպես նաև ստորագրությունը։
2. Օգտագործման տվյալներ, որոնք ավտոմատ կերպով հավաքագրվում են Ծառայությունից օգտվելու ընթացքում։ Դրանք կարող են ներառել Ձեր սարքի Ինտերնետային պրոտոկոլի (IP) հասցեն, բրաուզերի տեսակը, բրաուզերի տարբերակը, մեր ծառայության էջերը, որոնք այցելել եք, այցի ամսաթիվը և ժամը, տվյալ էջերում անցկացրած ժամանակը, սարքի եզակի նույնացուցիչները և այլ նույնականացնող տվյալներ։ Մենք կարող ենք նաև հավաքագրել տեղեկատվություն, որը Ձեր բրաուզերն ուղարկում է, երբ այցելում եք մեր ծառայությունը կամ հասանելիություն եք ստանում դրան բջջային սարքի միջոցով։
3. Առևտրային տվյալներ, ինչպիսիք են գնումների պատմությունը, հաճախորդների հարցումների և/կամ առաջարկների հետ կապված տեղեկատվությունը և բիզնես գործարքների կատարմանը վերաբերող այլ տվյալներ։
4. Հաճախորդի մուտքի տվյալներ, ինչպիսիք են օգտանունները և այլ տեղեկատվություն, որը անհրաժեշտ է օգտահաշիվներ ստեղծելու և մեր արտադրանքներին ու ծառայություններին մուտք ապահովելու համար։
5. Սարք/IP տվյալներ, ինչպիսիք են IP հասցեն, սարքի նույնացուցիչը, դոմենային սերվերը և սարքի/օպերացիոն համակարգի/բրաուզերի տեսակը, որոնք օգտագործվում են մեր արտադրանքներին և ծառայություններին հասանելիություն ստանալու համար։
6. Ինտերնետի կամ այլ ցանցային ակտիվության տվյալներ, ներառյալ բրաուզինգի կամ որոնման պատմությունը, վեբ էջերի հետ փոխգործակցության տվյալները, այն վեբ էջը/աղբյուրը, որի միջոցով հասանելիություն եք ստացել մեր արտադրանքին կամ ծառայություններին, չնույնականացվող հարցումների նույնականացման տվյալները, սարքի կամ բրաուզերի և մեր արտադրանքի կամ ծառայության փոխազդեցության հետ կապված վիճակագրական տվյալները և քուքիների (cookies) միջոցով հավաքագրված այլ տեղեկություններ։
7. Մեր SaaS (Ծրագրային ապահովման ծառայություն) արտադրանքների հետ կապված տվյալներ, ներառյալ նույնացուցիչներ և ընկերության կոնտակտային տվյալներ, օգտատերերի անուններ, ENGDAT (Engineering Data Message) հասցե՝ OFTP (Odette File Transfer Protocol)-ի միջոցով ֆայլերի փոխանակման համար, ժամային գոտին և ամսաթվի/ժամանակի նախընտրությունները SaaS արտադրանք օգտագործելու համար, մեր համակարգերին և ցանցերին հասանելիություն ապահովելու համար անհրաժեշտ ՏՏ տվյալներ (օրինակ՝ IP հասցեներ, մուտքի ֆայլեր, մուտքի տվյալներ, գաղտնագրման բանալիների ստեղծման կառավարման գործընթացի տեղեկատվություն, մետատվյալներ, ինչպիսիք են օգտագործման տեղեկամատյանները, նույնականացնող հատկանիշներով (օրինակ՝ գործարքի ստեղծողը կամ հեղինակը, ֆայլ(եր) մուտք գործած կամ ներբեռնած անձանց անունները, ֆայլի(երի) մուտք գործելու կամ ներբեռնելու ժամանակը, օգտատերերի IP հասցեները և SaaS արտադրանքի ադմինիստրատիվ գործունեությունը, ինչպիսիք են օգտատերերի ավելացումը կամ ապաակտիվացումը, գաղտնագրման բանալիների ստեղծման կառավարումը)։
8. Պատկերներ, օրինակ՝ լուսանկարներ, որոնք արվել են մեր միջոցառումների ընթացքում։
9. Մեզ հետ հաղորդակցության միջոցով ստացված տեղեկատվություն, օրինակ՝ հեռախոսազանգերի, այլ բանավոր հաղորդակցությունների, զրույցների, մեր աշխատակիցների կամ Հաճախորդների սպասարկման ծառայության հետ շփումների, ինչպես նաև էլ․ նամակների միջոցով տրամադրված տվյալներ։
10. Մարքեթինգի և հաղորդակցությունների տվյալներ, որոնք հավաքագրվել են Ձեր վերաբերյալ կամ որոնք դուք տրամադրել եք մեզ, ներառյալ մեր կամ երրորդ անձանց կողմից մարքեթինգային տեղեկատվություն ստանալու վերաբերյալ Ձեր նախընտրությունները, ինչպես նաև Ձեր հաղորդակցման նախընտրությունները։
11. Այլ անձնական տվյալներից բխող ենթադրություններ, օրինակ՝ օգտատերերի հատկանիշները և վարքագիծը արտացոլող պրոֆիլներ։
12. Այլ տեղեկատվություն, օրինակ՝ որոշակի հանգամանքներում հանրային հասանելի արտաքին կայքերից ստացված տվյալներ կամ մեր բողոքների համակարգերի միջոցով Ձեր տրամադրած տեղեկատվությունը։

Մենք մտադրված չենք հավաքագրում հատուկ կատեգորիայի անձնական տվյալներ։

Մենք գիտակցված չենք հավաքագրում կամ պահանջում 18 տարեկանից ցածր երեխաների անձնական տվյալներ։

ԻՆՉՊԵՍ Է ՀԱՎԱՔՎՈՒՄ ՁԵՐ ՏԵՂԵԿԱՏՎՈՒԹՅՈՒՆԸ

Ձեր կողմից մեզ տրամադրված տեղեկատվություն, օրինակ՝ այն տեղեկատվությունը, որը Դուք կարող եք տրամադրել մեր կայքերը այցելելու կամ մեզ հետ փոխգործակցելու ընթացքում, օրինակ՝ երբ ծառայություններ եք գնում մեզանից, երբ էլեկտրոնային նամակ եք ուղարկում, երբ կապվում եք մեզ հետ մեր «Կապվեք մեզ հետ» էջի միջոցով, այցելում եք մեր գրասենյակներ, կամ երբ մեզ հետ հաղորդակցվում եք էլեկտրոնային փոստով, հեռախոսով կամ պայմանագիր եք կնքում մեզ հետ։

Քուքիների (cookies) օգտագործմամբ, օրինակ՝ երբ այցելում եք մեր կայքերը կամ օգտագործում եք մեր ծառայությունները։ Մեր կայքերը օգտագործում են քուքիներ և նմանատիպ տեխնոլոգիաներ, ինչպիսիք են պիքսելային նշումները, վեբ լուսարձակները, պարզ GIF-ները և JavaScript-ը (այսուհետ միասին՝ «Քուքիներ»), որպեսզի մեր սերվերները ճանաչեն Ձեր վեբ բրաուզերը, մեզ տեղեկացնեն, թե ինչպես և երբ եք այցելում և օգտագործում մեր արտադրանքներն ու ծառայությունները, վերլուծեն միտումները, ճանաչեն մեր օգտատերերին և աշխատեն ու բարելավեն մեր կայքերը, արտադրանքները կամ ծառայությունները։ Քուքիները տվյալների փոքր կտորներ են՝ սովորաբար տեքստային ֆայլեր, որոնք տեղադրվում են Ձեր համակարգչում, պլանշետում, հեռախոսում կամ նման սարքում, երբ դուք օգտագործում եք այդ սարքը՝ մեր կայքին, արտադրանքներին և ծառայություններին հասանելիություն ստանալու համար։ Մենք կարող ենք նաև լրացնել Ձեզանից հավաքված տեղեկատվությունը երրորդ անձանցից ստացված տեղեկատվությամբ, ներառյալ այնպիսի երրորդ անձանց, որոնք իրենց քուքիները տեղադրել են Ձեր սարքում։ Սովորաբար, բրաուզերների մեծամասնությունը թույլ է տալիս անջատել քուքիները կամ նախազգուշացում ստանալ, նախքան քուքին կպահվի Ձեր կոշտ սկավառակում։

Երրորդ կողմերի կամ հանրային հասանելի աղբյուրների կողմից տրամադրված տեղեկատվություն, ներառյալ, բայց ոչ սահմանափակվելով՝

• մենք կարող ենք ստանալ Ձեր անձնական տվյալները մեր պայմանագրային գործընկերներից, ովքեր կհանդիսանան տվյալների կառավարող՝ տվյալ հատուկ նպատակով;
• այլ երրորդ անձանցից, օրինակ՝ երբ մենք ստանում ենք Ձեզ վերաբերող տեղեկություններ մեր մատակարարներից, որոնք աջակցում են մեզ վերլուծության, հաճախորդների աջակցման, առաջատար ստեղծման, մարքեթինգի կամ առաջխաղացման ծառայությունների հետ;
• եթե դուք ներկայացնում եք մեր բիզնես գործընկերներից մեկին, մենք կարող ենք հավաքել Ձեր անձնական տվյալները (այդ թվում՝ հիմնական նույնացուցիչներ և բիզնես կոնտակտային տվյալներ, ինչպիսիք են Ձեր անունը, պաշտոնը, աշխատանքային էլ. հասցեն, աշխատանքային փոստի հասցեն, պաշտոնը և/կամ աշխատանքային հեռախոսահամարը՝ ըստ անհրաժեշտության) այն կազմակերպությունից, որտեղ աշխատում եք, եթե դա անհրաժեշտ է այդ երրորդ անձից արտադրանք կամ ծառայություններ ստանալու կամ այլ եղանակով բիզնես վարելու համար;
• այն ընկերությունների հետ կապված, որոնց մենք գնահատում ենք կորպորատիվ գործարքի կամ հնարավոր ներդրման շրջանակներում (օրինակ՝ կախված համատեքստից՝ Ձեր անունը, պաշտոնը, էլ. հասցեն, փոստային հասցեն, պաշտոնը, հեռախոսահամարը, անձնագրային կամ այլ պետական փաստաթղթային տվյալները, ֆինանսական տեղեկատվություն և/կամ աշխատանքի և նպաստների տեղեկություններ՝ ըստ անհրաժեշտության);
• հանրային ինտերնետային աղբյուրներից, ինչպիսիք են սոցիալական ցանցերը, աշխատանքային պլատֆորմները, հանրային պրոֆիլները և այլ հանրային առցանց աղբյուրներ;
• հանրային գրանցամատյաններից և պետական մարմիններից։

ՁԵՐ ԱՆՁՆԱԿԱՆ ՏՎՅԱԼՆԵՐԻ ՕԳՏԱԳՈՐԾՈՒՄԸ

Մենք կհավաքենք և մշակենք Ձեր անձնական տվյալները միայն այն ծավալով, որքան դա անհրաժեշտ է մեր գործունեության և պայմանագրային պարտավորությունները կատարելու, Ձեզ ծառայություններ մատուցելու կամ օրենսդրական պահանջներին համապատասխանելու համար:

Մենք կհավաքենք և կօգտագործենք Ձեր անձնական տվյալները՝ Ձեր հրահանգներին համապատասխան և այն ծավալով, որքան ողջամտորեն անհրաժեշտ է՝

• Պայմանագրի կատարման համար․ մեր՝ Ձեր նկատմամբ ունեցած պայմանագրային պարտավորությունները կատարելու համար՝ համաձայն ծառայությունների մատուցման պայմանագրի կամ մեզ հետ կնքված ցանկացած այլ պայմանագրի;
• Ծառայությունների մատուցման համար․ Ձեզ ծառայություններ մատուցելու, դրանց կայունությունը պահպանելու և բարելավելու համար;
• Ձեր հետ կապի համար․ Ձեզ հետ էլեկտրոնային փոստով կամ այլ համարժեք էլեկտրոնային հաղորդակցության ձևերով կապվելու համար;
• Նորություններ տրամադրելու համար․ Ձեզ նորություններ, հատուկ առաջարկներ և մեր առաջարկած այլ ծառայությունների և միջոցառումների վերաբերյալ ընդհանուր տեղեկություններ տրամադրելու համար, բացառությամբ երբ դուք ուղղակիորեն հրաժարվել եք նման տեղեկատվություն ստանալուց;
• Ընդհանուր ծանուցումներ․ մեր ծառայությունների փոփոխությունների վերաբերյալ և հարակից ծանուցումներ, ինչպիսիք են անվտանգության և խաբեության կանխարգելման նկատառումներով ծանուցումները;
• Ձեր պահանջների կառավարման համար․ մեզ ներկայացված պահանջները սպասարկելու և կառավարելու համար;
• Բիզնես փոխանցումներ․ մենք կարող ենք օգտագործել Ձեր տեղեկությունները միաձուլման, վաճառքի, վերաբաշխման, վերակազմակերպման, լուծարման կամ այլ վաճառքի կամ փոխանցման գնահատման կամ կատարման համար, որը կարող է ներառել մեր ակտիվներից որոշ կամ բոլորները, անկախ նրանից՝ դա ընթացիկ գործընթաց է, թե սնանկության, լուծարման կամ նմանատիպ գործընթաց, որի շրջանակներում մեր ծառայություններից օգտվողների մեզ մոտ պահվող անձնական տվյալները հանդիսանում են փոխանցվող ակտիվներից մեկը;
• Այլ նպատակների համար․ մենք կարող ենք օգտագործել Ձեր տեղեկությունները այլ նպատակներով, ինչպիսիք են տվյալների վերլուծությունը, օգտագործման միտումների որոշումը, մեր գովազդային արշավների արդյունավետության գնահատումը և մեր ծառայությունների, արտադրանքների, մարքեթինգի և Ձեր փորձառության բարելավումը;
• Օրենսդրական համապատասխանություն և պաշտպանություն․ մենք իրավունք ենք վերապահում բացահայտել Ձեր անձնական տվյալները, երբ դա պահանջվում է օրենքով, կամ երբ գտնում ենք, որ բացահայտումն անհրաժեշտ է մեր իրավունքները պաշտպանելու և/կամ դատավարական գործընթացին, դատական կարգադրությանը, կարգավորող մարմնի պահանջին, ազգային անվտանգությանը, հանրային կարևորության նպատակներին կամ մեզ առնչվող որևէ այլ իրավական կամ քննչական գործընթացին համապատասխանելու համար։

Մենք չենք նախատեսում օգտագործել Ձեր անձնական տվյալները մեր ծառայությունների և/կամ մեր գործընկերների ծառայությունների գովազդման և մարքեթինգի նպատակով։ Շատ քիչ հավանական է, որ դա փոխվի, սակայն այդ իրադարձության վրա հասնելու դեպքում մենք կհայցենք Ձեր առանձին, հստակ համաձայնությունը, և դուք իրավունք ունեք ցանկացած ժամանակ հրաժարվել այս ծառայություններից։

ՁԵՐ ԱՆՁՆԱԿԱՆ ՏՎՅԱԼՆԵՐԻ ՓՈԽԱՆՑՈՒՄԸ

Մենք կարող ենք փոխանցել Ձեր անձնական տվյալները հետևյալ դեպքերում՝

• Ծառայությունների մատակարարների հետ․ Ձեր անձնական տվյալները կարող են փոխանցվել և մշակվել մեր գործընկերների և որոշակի ծառայությունների մատակարարների և բիզնես գործընկերների կողմից՝ սույն Գաղտնիության ծանուցագրում նշված նպատակների շրջանակներում: Մենք օգտվում ենք մի շարք ծառայությունների մատակարարների ծառայություններից, ովքեր տրամադրում են լայն շրջանակի ծառայություններ, այդ թվում՝ իրավաբանական և ֆինանսական մասնագիտական խորհրդատուներ, տեղեկատվական տեխնոլոգիաների և տվյալների անվտանգության մատակարարներ, տվյալների հոսթինգի մատակարարներ և կայքի կառավարիչներ, ինչպես նաև այլ ՏՏ ծառայություններ մատուցողներ, հանդիպումների և կոնֆերանսների մատակարարներ, աուդիտորներ և տվյալների ծրագրային ապահովման մատակարարներ: Մենք ապահովում ենք, որ մեզ կամ մեզ համար ծառայություն մատուցող բոլոր անձինք մեզ հետ համաձայնության գան տվյալների պաշտպանության մեր ստանդարտների վերաբերյալ։
• Բիզնեսի փոխանցումների համար․ Մենք կարող ենք տարածել կամ փոխանցել Ձեր անձնական տեղեկությունները որևէ միաձուլման, ընկերության ակտիվների վաճառքի, ֆինանսավորման կամ մեր բիզնեսի ամբողջական կամ մասնակի ձեռքբերման կապակցությամբ կամ բանակցությունների ընթացքում:
• Գործընկերների հետ․ Մենք կարող ենք փոխանցել Ձեր տեղեկությունները մեր գործընկերներին, որի դեպքում մենք կպահանջենք, որ այդ գործընկերները պահպանեն սույն Տվյալների պաշտպանության քաղաքականության պահանջները: Գործընկերներ են համարվում մեր մայր ընկերությունը և ցանկացած այլ դուստր ընկերություններ, համատեղ ձեռնարկություններ կամ այլ ընկերություններ, որոնց մենք վերահսկում ենք կամ որոնք ընդհանուր վերահսկողության ներքո են մեզ հետ:
• Բիզնես գործընկերների հետ: Մենք կարող ենք փոխանցել Ձեր տեղեկությունները մեր բիզնես գործընկերներին՝ Ձեզ որոշակի արտադրանքներ, ծառայություններ կամ առաջարկներ մատակարերելու նպատակով:
• Մեր տվյալները պահող երրորդ անձանց հետ․ Ձեր տեղեկությունները կարող են պահվել երրորդ անձանց պատկանող սերվերներում և ամպային ցանցերում, որոնք մենք օգտագործում ենք մեր բնականոն ձեռնարկատիրական գործունեության շրջանակներում:
• Ձեր համաձայնությամբ: Մենք կարող ենք Ձեր համաձայնությամբ ցանկացած այլ նպատակով բացահայտել Ձեր անձնական տեղեկությունները:

ՁԵՐ ԱՆՁՆԱԿԱՆ ՏՎՅԱԼՆԵՐԻ ՊԱՀՈՒՄԸ

Մենք կպահենք Ձեր անձնական տվյալները միայն այնքան ժամանակ, քանի դեռ դա անհրաժեշտ է սույն Տվյալների պաշտպանության քաղաքականության շրջանակներում, բացառությամբ երբ պահման առավել երկար ժամանակահատված է նախատեսված կիրառելի օրենսդրությամբ, իրավական կամ վարչական գործընթացների շրջանակներում։

Մենք նաև կպահենք Օգտագործման տվյալները՝ ներքին վերլուծության նպատակներից ելնելով։

ՁԵՐ ԱՆՁՆԱԿԱՆ ՏՎՅԱԼՆԵՐԻ ԱՊԱՀՈՎՈՒԹՅՈՒՆԸ

Մենք պարտավորվում ենք ապահովել Ձեր տեղեկատվության անվտանգությունը և գաղտնիությունը: Հարկ է նշել, որ ինտերնետային փոխանցման կամ էլեկտրոնային պահեստավորման որևէ մեթոդ 100% անվտանգ չէ: Մենք ձգտում ենք օգտագործել կոմերցիոն տեսանկյունից ընդունելի միջոցներ Ձեր անձնական տվյալները պաշտպանելու համար, սակայն չենք կարող երաշխավորել դրանց լիակատար անվտանգությունը:

Մենք մշակել ենք ընթացակարգեր անձնական տվյալների ցանկացած կասկածելի արտահոսքի դեպքի համար և կտեղեկացնենք Ձեզ և համապատասխան կարգավորող մարմնին արտահոսքի մասին, եթե օրենսդրության համաձայն պարտավոր ենք դա անել:

Անձնական տվյալների պաշտպանության ապահովման համար մենք ներդրել ենք համապատասխան տեխնիկական, ֆիզիկական և վարչական ընթացակարգեր և միջոցներ՝ հավաքված կամ Ձեզանից ստացված տեղեկությունները պահպանելու և դրանց գաղտնիությունն ապահովելու համար՝ թույլ չտալով որևէ չթույլատրված հասանելիություն կամ բացահայտում։

Բացի այդ, մենք սահմանափակում ենք Ձեր անձնական տվյալներին հասանելիությունը այն աշխատակիցների, գործակալներին, պայմանագրային գործընկերների և այլ երրորդ անձանց շրջանակով, ովքեր ունեն բիզնես անհրաժեշտություն ունեն դրանց ունենալու: Նրանք միայն կմշակեն Ձեր անձնական տվյալները մեր հրահանգներին համապատասխան, և նրանք պարտավոր են պահպանել Ձեր անձնական տվյալների գաղտնիությունը և ապահովել դրանց անվտանգությունը:

Մենք հետևյալ միջոցները կիրառում ենք մեր բնականոն գործունեության ընթացքում:

• Մենք ապահովում ենք տեխնիկական պատշաճ հագեցվածություն, որը ներառում է, բայց չի սահմանափակվում հակավիրուսային պաշտպանությամբ և կոդավորմամբ։
• Մենք կարող ենք կնքել գաղտնիության պայմանագրեր աշխատակիցների հետ, իրականացնել անձնական տվյալների հոսքերի կանոնավոր աուդիտներ, կատարել ռիսկի վերլուծություն և այլն:
• Մենք կազմակերպում ենք ուսուցման սեմինարներ և իրազեկման արշավներ՝ աշխատակիցների կողմից անձնական տվյալների պաշտպանության իրազեկվածությունը ապահովելու համար:
• Մենք նշանակել ենք պատասխանատու աշխատակից տվյալների պաշտպանության պահանջներին համապատասխանության համար:

Անձնական տվյալների գաղտնիության ապահովման, ռիսկի գնահատման և մոնիթորինգի համար պատասխանատու անձը պարտավոր է ձեռնարկել միջոցներ՝ համոզվելու համար, որ մեր գործունեությունը համապատասխանում է այս քաղաքականությանը և ընկերության այլ ներքին իրավական ակտերին:

ՁԵՐ ԻՐԱՎՈՒՆՔՆԵՐԸ

Անձնական տվյալների հասանելիության և փոխադրման վերաբերյալ պահանջներ

Դուք իրավունք ունեք հայցել Ձեր անձնական տվյալներին հասանելիություն, բացառությամբ այն դեպքերի, երբ պատճեն տրամադրելը կարող է վնասակար լինել այլոց իրավունքներին և ազատություններին:

Դուք նաև կարող եք տեղեկություններ հայցել տվյալների մշակման տարբեր կատեգորիաների և նպատակների, Ձեր անձնական տվյալները ստացող անձանց կամ անձանց կատեգորիաների մասին, ինչպես նաև այն մասին, թե որքան ժամանակ են պահվում Ձեր անձնական տվյալները, Ձեր անձնական տվյալների աղբյուրի վերաբերյալ տեղեկությունները և արդյոք մենք կամ տվյալների կառավարողը (եթե մենք Ձեր տվյալների կառավարողը չենք) օգտագործում են ավտոմատացված որոշումներ կայացնելու եղանակներ:

Դուք նաև ունեք «Տվյալների փոխադրման» իրավունքներ, որոնք ներառում են Ձեր անձնական տվյալների պատճենը ստանալու կամ այն այլ տվյալների կառավարողին փոխանցելու իրավունք:

Շտկման պահանջներ

Դուք իրավունք ունեք առանց ժամկետային սահմանափակման պահանջել անճշտություններ պարունակող կամ ոչ ամբողջական անձնական տվյալների շտկում կամ ամբողջականացում, և մենք կթարմացնենք, կջնջենք տեղեկատվությունը կամ կշտկենք ցանկացած անճշտությունները Ձեր պահանջի հիման վրա:

Ջնջման պահանջներ

Դուք կարող եք օգտվել Ձեր «մոռացված լինելու իրավունքից» և պահանջել, որ մենք ջնջենք Ձեր անձնական տվյալները: Ձեր պահանջը ստանալուց հետո մենք պետք է անմիջապես ջնջենք անձնական տվյալները, բացառությամբ այն դեպքերի, երբ առկա է որևէ բացառություն, որը թույլ է տալիս շարունակել Ձեր տվյալների մշակումը: Նման բացառության մանրամասնությունները նշված են համապատասխան օրենքներում և ներառում են այն իրավիճակները, երբ մենք կարող ենք անհրաժեշտություն ունենալ պահպանելու տեղեկությունները մեր պաշտոնական պարտականությունները կատարելու համար և/կամ իրավական պարտավորությունների պահպանման համար և/կամ իրավական պահանջների հաստատման, իրականացման կամ պաշտպանման համար, կամ եթե հանրային շահերից ելնելով անհրաժեշտ է պահպանել Ձեր անձնական տվյալները:

Սահմանափակման հարցումներ

Դուք կարող եք խնդրել, որ Ձեր անձնական տվյալների մշակման նկատմամբ որոշակի պատճառներով կիրառվեն սահմանափակումներ, օրինակ՝ եթե վիճարկում եք տվյալների ճշտությունը, մշակումը օրինական չէ կամ եթե մենք այլևս անհրաժեշտություն չունենք Ձեր անձնական տվյալները մշակելու համար: Դուք նաև կարող եք խնդրել սահմանափակումներ կիրառել, եթե մշակումը կատարվում է հանրային շահի կամ արտաքին նկատառումներով:

Նման պահանջի ստացման դեպքում մենք կարող ենք շարունակել պահպանել Ձեր անձնական տվյալները, սակայն կարող ենք մշակել դրանք միայն որոշակի հանգամանքներում, ինչպիսիք են՝ Ձեր համաձայնությունը Ձեր անձնական տվյալները մշակելու վերաբերյալ, անհրաժեշտ է հաստատել, իրականացնել կամ պաշտպանել իրավական պահանջներ կամ անհրաժեշտ է պաշտպանել մեկ այլ ֆիզիկական կամ իրավաբանական անձի իրավունքները, կամ հանրային շահի նկատառումներով:

Առարկություններ

Դուք կարող եք նաև առարկել Ձեր անձնական տվյալների մշակման դեմ որոշակի հանգամանքներում, ներառյալ՝ ուղղակի մարքեթինգի նպատակներով և ուղղակի մարքեթինգին առնչվող պրոֆայլինգի համար:

Նման առարկություն ստանալու դեպքում մենք կդադարեցնենք Ձեր անձնական տվյալների մշակումը, եթե չկարողանանք ներկայացնել համոզիչ օրինական հիմք Ձեր անձնական տվյալների այնպիսի մշակման համար, որը գերազանցում է Ձեր շահերը և Ձեր առարկության հիմքը:

Վերահսկող մարմնին բողոք ներկայացնելու իրավունք

Դուք իրավունք ունեք բողոք ներկայացնել վերահսկող մարմնին: Դուք կարող եք դիմել Ձեր բնակության վայրի կամ պետության վերահսկող մարմնին կամ մեզ վերահսկող մարմնին:

ՀՀ-ում վերահսկող մարմինն է՝

Անձնական տվյալների պաշտպանության գործակալություն

ՀՀ, 0051, ք. Երևան, Կոմիտաս 54բ

Էլ. հասցե՝ [email protected]

Հեռ.՝ +374 10 594 194

ԱՆՁՆԱԿԱՆ ՏՎՅԱԼՆԵՐԻ ՊԱՇՏՊԱՆՈՒԹՅԱՆ ՔԱՂԱՔԱԿԱՆՈՒԹՅԱՆ ՓՈՓՈԽՈՒԹՅՈՒՆՆԵՐ

Մենք մշտապես վերանայում ենք մեր անձնական տվյալների պաշտպանության քաղաքականությունը և վերապահում ենք անհրաժեշտության դեպքում քաղաքականությունը փոփոխելու և թարմացնելու իրավունքը: Այս քաղաքականությունը վերանայվում է տարեկան մեկ անգամ կամ երբ օրենսդրական կամ գործառնական փոփոխությունները պահանջում են թարմացումներ: Անհրաժեշտության դեպքում՝ մենք Ձեզ կտեղեկացնենք այդ փոփոխությունների մասին փոստով կամ էլեկտրոնային փոստի միջոցով: Խնդրում ենք ժամանակ առ ժամանակ ստուգել սույն անձնական տվյալների պաշտպանության հայտարարության ծանուցագրի փոփոխությունները, հատկապես մինչև մեզ որևէ անձնական տվյալ տրամադրելը: